“ LA ME TERRA ”
Amu la me terra…
Ccu li so gioi e li so svinturi, ccu li so vizzî e li so virtù,
ccu li so ciuri e la so gramigna, ccu li so lacrimi e lu so duluri.
Ccu li biddizzi ca matri natura
ccu la cumplicità dû Criaturi,
ccu ginirusità ci vozi dari.
Sugnu orgugliusa ca ci nasciu
e ca lu sangu ca scurri ntê me vini
è u stissu di chiddu dî nostri màrtiri:
Falcuni, Patri Puglisi e Bursillinu,
omini onesti e curaggiusi, ca ‘ngiustamenti pèrsiru la vita
morti ammazzati da la mal’erva
ca ‘mpesta e si sparpagghia a macchia d’ogliu.
Di ‘sti siciliani mi vriognu e vulissi ca ‘na ciusciata ‘i ventu
li purtassi luntanu di ‘sta terra,
terra pi ‘st’infami maliditta
e ccu lu marchiu di miseria ‘nfaccia.
Macari li stiddi n’hannu a cumpassiuni
e lùciunu piatusi ccu la luna
quannu lu furasteri s’avvicina.
Ma è la me terra… L’amu accussì com’è,
ccu li sonnira e li piccata di la genti,
ccu l’amuri ca trabbucca ‘nta lu cori,
ccu l’aria ‘mprufumata ‘i girsuminu e li girani chini di culuri.
Ccu l’unna ca si sbatti ‘nta lu scogliu
e carma si nni trasi ‘nta lu mari,
ccu li firiti, ca sulu la pacenzia di lu tempu
adaciu adaciu rimetti a sanari
e l’orizzunti si tinci di rosa
quannu lu suli ‘ncumincia a tracuddari.
Margherita Neri Novi
” LA MIA TERRA “
Amo la mia terra… Con le sue gioie e le sue sventure / con i suoi vizi e le sue virtù / con i suoi fiori e la sua gramigna / con le sue lacrime e il suo dolore, con le bellezze che madre natura / con la complicità del Creatore /con generosità ha voluto donarle. Sono orgogliosa per esservi nata /e che il sangue che scorre nelle mie vene / è uguale a quello dei nostri martiri: Falcone, Padre Puglisi e Paolo Borsellino, uomini onesti e coraggiosi che ingiustamente persero la vita / morti ammazzati dalla mal’erba che impesta e si sparpaglia a macchia d’olio. Di questi siciliani mi vergogno / e vorrei che il vento soffiando / li portasse lontano da questa terra, terra a causa loro maledetta / e con in faccia il marchio di miseria, pure le stelle ne hanno compassione / e splendono pietose insieme alla luna / quando si avvicina il forestiero. Ma è la mia terra… L’amo così com’è /con i sogni e i peccati della gente /con l’amore che trabocca nei cuori /con l’aria profumata di gelsomino e i gerani pieni di colore /con l’onda che sbatte nello scoglio /e calma rientra nel suo mare,con le ferite che solo la pazienza del tempo piano piano guarisce / e l’orizzonte si tinge di rosa /quando il sole comincia a tramontare.
Margherita Neri Novi
